RETOS MALALA

Hoxe recibimos unha carta de Malala na que do que está tan ocupada cambiando o mundo que non ten tempo de contarnos todo o que está a facer, así que teremos que descubrilo nós mesmos!

De modo que, cada fin de semana, levaremos un reto o noso fogar cunha pregunta relacionada con Malala á que teremos que dar resposta.

O luns escolleremos unha das respostas ao chou. Se a resposta é correcta, teredes diversas sospresas!

Estades preparados e preparadas para facer de detectives e descubrir por que Malala cambio e está a cambiar o mundo ? COMEZAMOSSSS!

QUE QUEREMOS CAMBIAR NO MUNDO?

Hoxe en Valores analizamos as cousas que nos gustaría cambiar do mundo.

A continuación coloreamos o noso planeta Terra e escribimos en folios de cores diversas mensaxes das cousas que consideramos importantes para o cambio.

Nós xa estamos listos, e ti?

SUXEITOS E PREDICADOS SECRETOS

Unha das actividades que máis nos gustan, son as actividades secretas que van cambiando segundo o que estemos a traballar na aula!

Esta vez...suxeitos e predicados secretos! Colle un sobre secreto, descubre o que contén dentro e a traballar!

CAMBIEMOS O MUNDO...reducindo a contaminación acústica

Porque unha forma de cambiar e mellorar o mundo, ten que ver coa contaminación... Está vez, en 3ºB, intentamos facer unha pequena aportación a ese cambio, reducindo a contaminación acústica!

A verdade é que somos un grupo numeroso e ruidoso, pero non hai nada cunhas pelotas de tenis ou padel nas cadeiras, non poidan solucionar!

Moitas grazas ás familias pola súa colaboración!

Próximo trimestre: as mesas!

SAMAÍN EN 3ºB

Aquí tendes algunha mostra do traballo feito polos rapaces e rapazas: NUBES DE PALABRAS DE SAMAÍN!
Son un bo recurso para traballar o vocabulario desta festa tradicional galega, a través da páxina www.wordart.com

Moitas grazas ás familias pola súa colaboración e aos nenos e nenas pola vosa creatividade e as ganas que poñedes en cada cousa que facemos día a día!

MEIGAS POR SAMAÍN

Este é tempo de meigas porque habelas hailas!

INAUGURACIÓN DA BIBLIOTECA

Hoxe acudimos á biblioteca por primeira vez no curso moi ilusionados e ilusionadas!

Alí descubrimos unha morea de novidades relacionadas co proxecto deste curso: Cambiamos o mundo desde o seis.

Descubrimos unha mensaxe nunhq esfera colgada do teito coma se rose o noso planeta Terra. Agora temos que decorala entre todos e todas!

Tamén recollimos a nosa mochila viaxeira, que xa está preparada para ir de fogar en fogar.

Volveremos cada martes para facer o préstamo e desfrutar de tódolos seus recursos.

Moitas grazas ao equipo de Dinamización da biblioteca polo recibimento, xa estamos deseando volver.