Xa co trimestre a piques de rematar, os nosos actores e actrices continúan aprendendo e traballando en equipo.
Este mes fixemos unha tarefa grupal nas sesións de CCSS. Cada equipo elaborou o seu propio ecosistema nunha caixa.
Con material propio, un pouco de inxenio e moitas ganas… Velaquí os resultados!
O 8M foi un día moi especial. Tivemos a visita de Aurora, a nai de Andrés, que viu à escola a facer un contacontos.
Aproveitou a ocasión para lernos o conto ‘Artur e Clementina’ co que descubrimos o importante que son as palabras e o dano que poden facer!
Ademais de falarnos de Florence unha pioneira no mundo da enfermería, coa que comparte profesión.
Moitas grazas polo teu tempo!
Onte tivemos a sorte de ter na nosa biblioteca ao autor de Ringo. El é Pablo Nogueira, un mestre, músico e escritor galego.
Durante este trimestre, desfrutamos do seu libro na nosa clase. Con el descubrimos un mundo de circo un tanto especial e as aventuras dun coello perdido por un pequeno problemiña nun truco de maxia… cousas que pasan!
Moitas grazas a Pablo pola súa visita e por facernos pasar un rato tan agradable!
Comezamos a traballar e a xogar coas fraccións estes días na aula. Descubrimos que estamos rodeados delas e que, incluso, o noso nome está formado por fraccións.
Velaquí unha pequena mostra dos traballos feitos polos nosos actores e actrices:
