EXCURSIÓN FIN DE CURSO

 E chegou o gran día: A EXCURSIÓN DE FIN DE CURSO!

Uf! Xa ule a verán e con el o final de curso xa está moi preto.

Despois de meses de espera por fin collimos o barco rumbo á a de San Simón. Alí descubrimos unha morea de acontecementos importantes que marcaron esta illa ubicada moi preto de nós.

Grazas a nosa guía, Tania, fixemos un percorrido precioso pola illa e pola súa historia que, sen dúbida, non deixou indiferente a ninguén.

O día rematou cunha xincana na que tivemos que buscar preguntas ocultas por todas as zonas anteriormente visitadas.

Sen olvidarnos do barco e dos desexos que pedimos ao pasar baixo a Ponte de Rande. E sabedes que? Pois que moitas deles fixéronse realidade.

UNHA EXPOSICIÓN DE CINE

 Para todos os cinéfilo se cinéfilas: 

XA TEMOS A EXPOSICIÓN DE CINE NO NOSO CORREDOR!

O traballo do PDI foi moi interesante, divertido e intenso este curso, non si? Hai moito traballo de fondo que non se pode ver, pero que está: investigación na aula de Informática, investigación nas casas e na biblioteca; visualización de musicais, recollida de información para o noso libro viaxeiro…

Isto é coma un iceberg hai unha parte que se ve e outra que non, pero aí está e é igual de importante!

Pasase polo corredor de 3ºA e 3ºB e quedaremos pegados e pegadas literalmente á pantalla.

ANÁLISE DE RADIOGRAFÍAS

Esta semana fixemos un tendal na aula coas radiografías que os nenos e nenas trouxeron das súas casas.

Con elas, fixemos un traballo de observación e análise no que cada equipo tivo que buscar diversa información nunha das radiografías:

DATOS DO OU DA PACIENTE

DATA DA RADIOGRAFÍA

HOSPITAL

ÓSOS QUE ATOPAS NA RADIOGRAFÍA

Agora xa somos expertos e expertas no tema e podemos entender e comprender para que serven e o importante que son no mundo da mediciña.

AS FAMILIAS CONTAN III

 Seguimos coas nosas familias colaboradoras!

Na hora de ler, o pai de Dani, viu a escola cun libro xenial sobre as árbores. Cada unha das follas esconde un tipo de árbore diferente. Un libro que non coñecíamos e que,  a verdade, nos encantou!

Cal foi o voso favorito? 🌲 🌳 

Moitas grazas por vir pasar un ratiño con nós!

OS MAIOS

 Esta semana estamos de festa grazas a chegada do mes de maio e, con el, as flores, cestas, fiunchos, laranxas… sònamos? Pois si, estamos a celebrar OS MAIOS!

O luns montamos o Maio e o martes foi díade coplas e Danza dos Paus.

Na clase estivemos investigando e plasmando toda a información importante sobre OS MAIOS en diferentes oragnizadores gráficos.

Velaquí o resultado:

CADERNOS INTERACTIVOS COS SENTIDOS

 Continuamos aprendendo e desfrutar na escola, agora facendo cadernos interactivos coa información màis importante dos SENTIDOS.

O mellor de todo é que os propios nenos e nenas elaboran a súa plantilla: dobran cortan, miden… Unha vez feita  complétana coa información máis importante.

Que vos parece?

PRIMAVERA XEOMÉTRICA

Aproveitando que chegou a primavera (por fin) e que estamos a traballar un chisco de xeometría relacionada cos círculos e circunferencias, hoxe collimos o compás!

Uf non vos pensedes que foi tarefa fácil, pero coma todas as primeiras veces!

Cada neno e nena realizou círculos co compás de diferentes cores, colocaron uns enriba dos outros e cun rotulador negro debuxaron as diferentes partes dunha flor 🌼.

Velaquí unha pequena mostra:

Que vos parece?

 Se queredes ver máis escribide na 🔍 do blog: PRIMAVERA.